BIOCLIMÁTICA, O MOVEMENTO DO SOL

Traxectoria solar

O sol é a principal fonte de enerxía da que depende o deseño bioclimático, polo tanto convén ter unha idea clara de como é o seu movemento e posición nas distintas estacións do ano.

Particularizando na situación xeográfica na que se encontra Galicia, hai dous días ó ano (22 de marzo e 21 de setembro) nos que o día dura exactamente o mesmo que a noite, e nos que o sol sae exactamente polo leste e se pon polo oeste. Son os equinoccios de primavera e de outono. Despois do equinoccio de primavera, os días son cada vez máis longos, o sol alcanza maior altura a mediodía (aproximadamente 75º sobre a horizontal) e a saída e a posta de sol tenden a desprazarse cara ó norte. Esta tendencia segue ata o solsticio de verán (21 de xuño), o día máis longo do ano. A partir de aí a tendencia é inversa ata chegar ó equinoccio de outono.

Despois do equinoccio de outono, os días son cada vez máis curtos, e o sol cada vez está máis baixo ó mediodía (aproximadamente 25º sobre a horizontal). A saída e a posta de sol desprázanse cara o sur. Esta tendencia continua ata o solsticio de inverno (21 de decembro), o día máis curto do ano.

Estes movementos do sol teñen unhas consecuencias claras sobre a radiación recibida polas fachadas dunha edificación e son as que determinan a base dun correcto deseño bioclimático: en inverno, a fachada sur recibe a maioría de radiación, grazas a que o sol está moi baixo, mentres que as outras orientacións (norte, leste e oeste) apenas reciben radiación. No verán, pola contra, cando o sol está máis vertical ó mediodía, a fachada sur recibe menos radiación directa, mentres que as mañás e as tardes castigan especialmente ás fachadas leste e oeste, respectivamente.

CONCLUSIÓN: O sur é a mellor orientación para situar a maior parte das estancias dunha edificación, así coma  as ventás de maiores dimensións, pois en inverno é a máis soleada e no verán a menos castigada.

By :
Comments : 0

Deixa un comentario

*

captcha *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.