CASA VU_400
TIPOLOXÍA / Vivenda Unifamiliar
SITUACIÓN / Mos (Pontevedra). (Pontevedra)
PROMOTOR / Privado
ESTADO / En construción.
SUPERFICIE ÚTIL /274 m²
SUPERFICIE CONSTR. / 329 m²
Calificación enerxética/A/A
DESCRICIÓN
A edificación proxectada sitúase na zona máis próxima á vía pública (a cota inferior), dun terreo practicamente chairo. Ten relación cun pequeno núcleo de 7 vivendas, algunhas delas situadas aproximadamente á mesma cota, e outras á cota inferior. A totalidade do terreo está clasificado urbanisticamente dentro dun Solo de Núcleo Rural Común. Conta duas plantas sobre rasante, destinadas na súa totalidade a vivenda, e unha planta totalmente soterrada (a través da que se produce o acceso dende a vía pública) para garaxe, instalacións, lavandería, etc.
A maior parte da superficie da edificación proxectada desenvólvese en planta baixa, deste xeito, esa diferenza superficial entre a planta baixa e a planta alta, provoca premeditadamente unha sinxela descomposición volumétrica escalonada do conxunto, que busca unha mellor adaptación ó terreo, e suaviza a transición coas parcelas colindantes e a vía pública. Os diferentes materiais e texturas empregados en fachada (revestimento acrílico branco e gris) contribúen a enfatizar estes aspectos e tratan de achegar maior lixeireza á volumetría.
